Во нашето училиштето одлично функционира и училишната библиотека која располага со солидна библиотечна граѓа.
Поаѓајќи од своите основни задачи, училишната библиотека при ОУ „Димитар Влахов“- с. Љубојно континуирано работи за развивање на културата на читање и творечките потенцијали на учениците. Ги оспособува за самостојно доаѓање до податоци и информации за одредена литература. Ги поттикнува учениците за практично учество во културната и јавната дејност во училиштето и јавната средина.
Плански и систематски ги прима и распределува бесплатните учебници за сите одделенија, ги доделува на одделенските раководители на почетокот на учебната година( месец- септември) и ги раздолжува исто така од нив на крајот на учебната година со соодветни записници.
Учесниците преку активностите во училишната библиотека се оспособуваат за користење на различни методи на самостојно учење и работа со текстот. Кај сите се развива љубов и наклонетост кон книгата, согласно она што е нивна желба и потреба за читање. Им се формираат навики за внимателно ракување со книгата и чување и заштита на библиотечниот материјал.
За учениците од прво одделение организираме свечено зачленување со посебно организирана програма.
Училишната библиотека редовно планира и учествува во реализација на културно- просветни манифестации во училиштата и манифестации во соработка со Локалната Самоуправа- Општина Ресен и Домот на културата „ Драги Тозија“- Ресен во чии рамки е вклучена и Матичната градска библиотека во Ресен.
Младите библиотекари на нашето училиште редовно земаат учество на општинскиот натпревар за библиотекарство „Млади библиотекари“ кој го организира Градската библиотека при домот на културата „Драги Тозија“- Ресен.